Şok faktlar aşkarlandı: Narkotiki ədviyyat və şirələrə vururlarmış...

Almaniyanın Federal Cinayət Polisi İdarəsinin (BKA) rəhbəri Holger Münx diqqət çəkən açıqlamalar verib.

Publika.az "Bild"ə istinadən xəbər verir ki, o, mütəşəkkil cinayətkar qrupların Avropada narkotik ticarəti üsullarını getdikcə daha da təkmilləşdirdiklərini deyib. Narkotik satıcıları artıq ədviyyatlara və şirələrə kokain əlavə edirlər.

"Cinayətkarlar "novatorlar"dılar və bəzən nəhəng maliyyə resurslarından qaçaqmalçılıq metodlarını sistemə uyğunlaşdırmaq üçün çevik şəkildə istifadə edə bilərlər... Son illərdə bir tendensiya müşahidə edirik: mütəşəkkil cinayətkar qruplar müəyyən kimyəvi proseslərdən yararlanaraq Cənubi Amerikadan Avropaya göndərilən ədviyyat, şirələr və ya plastik kimi qanuni ixrac mallarına kokain əlavə edirlər",- o, deyib.

Münx mütəşəkkil cinayətkarlıqla bağlı təqdimatında onu da bildirib ki, bu cür üsulla göndərilən kokaini aşkar etmək mümkün olmur. Çünki mallar hava limanı və ya dəniz limanı təhlükəsizlik məntəqəsindən keçdikdən sonra qanunsuz laboratoriyalara çıxarılır və yenidən emal olunurlar. Bundan əlavə, BKA rəhbəri qeyd edib ki, qaçaqmalçılar narkotik maddələri dəniz yolu ilə daşımaq üçün getdikcə daha çox mini-sualtı qayıqlardan və yüksək sürətli qayıqlardan istifadə edirlər.

Tural