Avropa

Bu ölkədə qalmaqal: 45 türk saxlanıldı, Türkiyə ilə vizasız rejim ləğv edildi - VİDEO

27 Oktyabr 2025 14:16

Monteneqro Türkiyə vətəndaşları üçün vizasız gediş-gəlişi müvəqqəti olaraq dayandırır.

Publika.az xəbər verir ki, Monteneqronun baş naziri Miloyko Spayiç bəyan edib ki, hakimiyyət bu qərarı fövqəladə şəkildə qəbul edir.

Buna səbəb Podqoritsada millətlərarası gərginliyə səbəb olan insident olub.

"Təcili olaraq Türkiyə vətəndaşları üçün vizasız rejimin müvəqqəti ləğvi ilə bağlı qərar qəbul edəcəyik. İqtisadi aktivliyi və yaxşı ikitərəfli münasibətləri qorumaq üçün Türkiyə Respublikası ilə yaxşı niyyət və əməkdaşlıq ruhunda ən yaxşı modeli tapmaq üçün intensiv danışıqlara başlayacağıq", - Spayiç sosial mediada yazıb.

Hadisə oktyabrın 26-da axşam saatlarında baş verib. Məlumata görə, Zabjelo bölgəsində türklər bir qadını müdafiə edən monteneqrolu kişiyə hücum edib, onu döyüb və bıçaqlayıblar.

Daha sonra yerli sakinlər hücum edənlərin sığındıqları kazinonun yaxınlığında toplaşıblar. Polis 45 türkü saxlayıb.

Tural