BBC Trampdan üzr istədi, amma...

Britaniya BBC yayım korporasiyası ABŞ Prezidenti Donald Trampın çıxışının təhrif olunmasına görə üzr istəyib.lakin Amerika liderinin hüquqşünaslarının kompensasiya tələblərini rədd edib.

Publika.az xəbər verir ki, bu barədə sözügedən nəşrin yaydığı məlumatda deyilir.

Qeyd olunub ki, baş verənlərə görə təəssüfünü bildirən şəxsi məktubu Ağ Evə BBC-nin idarə heyətinin sədri Samir Şan göndərib.

"BBC videokadrın necə montaj edilməsinə görə səmimi şəkildə təəssüfünü bildirir, lakin böhtan iddiası üçün əsasların olduğuna qətiyyən razılaşmırıq", - deyə vurğulanıb.

Noyabrın 3-də Daily Telegraph qəzeti Trampın "Panorama" verilişindəki çıxışına diqqət çəkmişdi. Çıxış elə montaj olunmuşdu ki, tamaşaçılar siyasətçinin Kapitoli təpəsindəki iğtişaşları təşviq etdiyini düşünsünlər. Süjetin müəllifləri Trampın çıxışının əvvəlindəki kadrları onun demək olar ki, bir saat sonra söylədikləri ilə birləşdirmişdilər.

Noyabrın 9-da "The Times" qəzeti yazıb ki, BBC-nin baş direktoru Tim Deyvi Trampın Kapitoli hücumundan əvvəlki saxta çıxışı ilə bağlı qalmaqal fonunda vəzifəsini tərk edib. Nəşrin məlumatına görə, qərar "gərgin bir həftədən" sonra Britaniya milli telekanalında qəbul olunub.

Hüseyn İbadlı