Avropa

Estoniya Ukraynaya qoşun göndərmək üçün ŞƏRT QOYDU

27 Noyabr 2025 22:24

"Estoniya öz qoşunlarını Ukraynaya göndərməyə hazırdır, ancaq sülh sazişi bağlandıqdan sonra".

Publika.az xəbər verir ki, bu barədə Estoniyanın Baş naziri Kristen Mixal Almaniya kansleri Fridrix Mertslə Berlində keçirdiyi birgə mətbuat konfransında bildirib.

"Bir daha vurğulayıram: əsgərlərimizin bunda iştirak etməsi üçün konkret sülh sazişi lazımdır", - Mixal deyib.

Baş nazir aydınlaşdırıb ki, Estoniya Ukraynaya qoşun rotası göndərməyə hazırdır.

Bundan əvvəl Fransa Prezidenti Emmanuel Makron bəyan etmişdi ki, “istəklilər koalisiyası” münaqişə bitdikdən sonra öz hərbi kontingentini “ikinci xəttdə, cəbhədən uzaqda” Ukraynaya yerləşdirmək istəyir. Fransa liderinin sözlərinə görə, seçimlərdən biri qoşunların Kiyev və Odessadakı ehtiyat obyektlərə yerləşdirilməsi ola bilər. O əlavə edib ki, tənzimləmələr daha mürəkkəb olduğundan bu məsələ məxfiliyə tabedir. Makron qeyd edib ki, alyansın hərbi kontingenti hələ də formalaşma mərhələsindədir.

Hüseyn İbadlı