Avropa

Almaniya miqrasiya siyasətini daha da SƏRTLƏŞDİRDİ - YENİ QAYDALAR

6 Dekabr 2025 03:19

Bundestaqın 5 dekabrda baş tutan iclasında Almaniyanın miqrasiya siyasəti ilə bağlı qanuna bir sıra dəyişikliklər edilib.

Publika.az xəbər verir ki, dəyişiklərə əsasən hökumətin miqrasiya siyasəti daha da sərtləşdirililib.

Hökumət bundan sonra Bundesratın təsdiqinə ehtiyac olmadan ölkələri “təhlükəsiz mənşə ölkələri” kimi təsnif edə biləcək və bununla da həmin ölkələrdən gələn şəxslərin deportasiyası daha da asanlaşacaq.

Bu addımla əsassız sığınacaq müraciətlərinin qarşısını almaq və Miqrasiya və Qaçqınlar İdarəsində (BAMF) prosedurların sürətləndirilməsi hədəflənir.

Yeni qaydalara görə, təhlükəsiz mənşə ölkələrindən gələnlərin ərizələri daha çox “açıq-aşkar əsassız” kimi qiymətləndiriləcək.

Eyni paket çərçivəsində deportasiya edilə biləcək şəxslərə dövlət hesabına vəkil təyin edilməsi hüququnun ləğvi də planlaşdırılır. Bundan əlavə, vətəndaşlığa qəbul zamanı qəsdən yanlış məlumat verən şəxslər üçün on illik qadağa tətbiq ediləcək.