Ukraynadan sensasion tələb: İranla müharibəyə qoşulur

Britaniya Baş naziri Kir Starmer Ukraynadan qəribə xahiş edib.

Publika.az xəbər verir ki, Starmer Fars körfəzində İranın dron hücumlarını dəf etmək üçün Ukrayna mütəxəssislərinin cəlb edilməsini təklif edib.

"The Guardian" qəzetinin verdiyi məlumata görə, Britaniya Baş naziri bildirib ki, ukraynalılar Fars körfəzində müttəfiqlərini hədəf alan dronları ələ keçirməyə kömək etməlidirlər.

"Biz bu zərbələrə qoşulmuruq, amma bölgədəki müdafiə hərəkətlərimizi davam etdirəcəyik. Və biz həmçinin Ukraynadan mütəxəssisləri İran dronlarını vurmağa kömək etməyə dəvət edəcəyik", - Starmer deyib.

"The Guardian" qəzetinin məlumatına görə, Ukrayna hələlik Starmerin açıqlamasına münasibət bildirməyib. Lakin Volodimir Zelenski bildirib ki, ABŞ və İsrailin zərbələri nəticəsində İranda baş verən dəyişikliklər ölkə xalqının rifahı naminə "düzgün istifadə olunmalıdır". Axşam video müraciətində Zelenski bildirib ki, İran Rusiyaya hücum dronları verməklə və "bölgədə müharibələri qızışdırmaqla" "necə davranılacağını əvvəlcədən müəyyən edib".

Tural