Avropanı "enerji cəhənnəmi" gözləyir - Vuçiçdən şok proqnoz

Yaxın Şərqdə eskalasiya davam edərsə, Avropanı energetika sahəsində "cəhənnəm" gözləyir.

Publika.az xəbər verir ki, bu barədə Serbiya Prezidenti Aleksandr Vuçiç bəyanat vayıb.

Serbiyanın Elektrik Şəbəkələrinin yenidən qurulmuş dispetçer mərkəzinə baxış keçirərkən Vuçiçin sözlərinə görə, enerji daşıyıcılarının qıtlığı şəraitində neft və qaz qiymətlərinin artmasının qarşısını almaq üçün qarşıdakı ayda subsidiyalarla bağlı tədbirlər görmək zəruridir.

Qiymət artımı martın 2-də Qətərin "QatarEnergy" şirkətinin öz müəssisələrinə pilotsuz uçuş aparatları ilə edilən hücumlar səbəbindən mayeləşdirilmiş təbii qaz (MTQ) istehsalını dayandırdığını elan etməsindən sonra başlayıb.

Bundan əvvəl Norveçin energetika naziri Terye Osland, ABŞ-ın İrana hücumundan sonra Avropa İttifaqında Rusiya neft və qazının tədarükü ilə bağlı müzakirələrin bərpa oluna biləcəyini istisna etməmişdi.

"Reuters" agentliyinin məlumatına görə, İrandakı hərbi əməliyyatların Fars körfəzindən qaz ixracına təsir etməsi nəticəsində martın ilk günlərində Avropada qazın qiyməti 75% artaraq son illərin maksimumuna çatıb. Daha öncə Putinin xüsusi nümayəndəsi bəyan etmişdi ki, Yaxın Şərqdəki müharibə fonunda Avropa İttifaqına Rusiya lazım olacaq.

Hüseyn İbadlı