Müəllimlər döyülür: Fransada 500 məktəb bağlanıb

Fransada təxminən 500 məktəb şagirdlərin etirazları səbəbindən tamamilə və ya qismən bağlanıb.

Publika.az xəbər verir ki, bu barədə “France 2” məlumat yayıb.

Son bir həftə ərzində 24 təhsil müəssisəsi yandırılıb və ya talan edilib. İğtişaşlar zamanı yetmiş səkkiz təhsil müəssisəsi işçisi yaralanıb.

"Cümə günü 400-500 təhsil müəssisəsi dərsləri dayandırdı və yəqin ki, bazar ertəsi günü də təxminən eyni sayda məktəb bağlanacaq, lakin dərslər tədricən bərpa olunacaq", - deyə televiziya təhsil naziri Eduard Geffredən sitat gətirib.

Nazirin sözlərinə görə, təhsil müəssisələri "təhlükəsizlik şərtləri yerinə yetirilmədikdə" bağlanır - ya maddi səbəblərdən, ya da işçilər "birbaşa hücumların hədəfinə çevrildikləri" üçün.

17 sentyabrda Paris bölgəsində başlayan orta məktəb şagirdlərinin etiraz hərəkatı və təhsil müəssisələrinin blokadası tədricən ölkə daxilində yayıldı və cümə axşamı günü bir çox Fransa şəhərlərində vəziyyət gərginləşdi. Orta məktəb şagirdləri, digər məsələlərlə yanaşı, müəllim çatışmazlığına və həddindən artıq dolu sinif otaqlarına etiraz etdilər. Etirazlar iğtişaşlara, yanğınlara və təhlükəsizlik qüvvələrinin və müəllimlərin döyülməsinə çevrilib.

Müəllif: Tural