Banklar

Bankların əmanət portfelində artım oldu

25 Fevral 2023 02:22

Yanvarda bankların əmanət portfeli (sahibkarlıqla məşğul olan fiziki şəxslər istisna olmaqla) 1,8 faiz və ya 203,8 milyon manat artıb.

Publika.az Mərkəzi Banka istinadla xəbər verir ki, əmanət portfelinin 53 faizi (6 milyard 196,3 milyon manat) müddətli əmanətlərdən ibarətdir. Hüquqi şəxslərin tələbli depozitləri 18 milyard 818,9 milyon manat olmaqla, hüquqi şəxslərin cəmi depozit portfelinin 88,4 faizni təşkil edib. Öhdəliklərin strukturunda depozit portfeli üstünlük təşkil edir (cəmi öhdəliklərin 82 faizi və ya 32 milyard 968,8 milyon manat). Depozit portfelinin 64,6 faizini (21 milyard 282 milyon manat) hüquqi şəxslərin depozitləri, 35,4 faizini (11 milyard 686,8 milyon manat) fiziki şəxslərin depozitləri (əmanət portfeli) təşkil edir.