Süni intellekt "balonu" PARTLAYA BİLƏR

Beynəlxalq Valyuta Fondu (BVF) süni intellekt (Sİ) sahəsinə yönəlmiş böyük investisiyalar nəticəsində yaranmış texnoloji “balonun” partlaya biləcəyini istisna etmir.

Publika.az xəbər verir ki, bu barədə fondun baş iqtisadçısı Pyer-Olivye Qurinşa məlumat verib.

“Bizim işimizin bir hissəsi potensial riskləri qiymətləndirməkdir. Bu, şübhəsiz ki, risklərdən biridir” - deyə o, media nümayəndələrinin “texnoloji balon”un partlayıb-partlamayacağı ilə bağlı sualına cavab verərkən qeyd edib.

Qurinşanın sözlərinə görə, BVF texnologiya sektoruna yönəlmiş əhəmiyyətli investisiyaları qeydə alır. Lakin iqtisadçılar xəbərdarlıq edirlər ki, süni intellekt texnologiyalarının inkişafına dair həddindən artıq nikbin gözləntilər bu sahədəki yüksəlişin çökməsi ilə nəticələnə bilər.

Belə proqnozlar verərkən onlar ABŞ-da 2000–2001-ci illərdə baş vermiş fond bazarlarının çökməsini misal gətirirlər. Həmin dövrdə internet şirkətlərinin “balonu” partlamış və bu hadisə müasir iqtisadi tarixdə “dotkomların çöküşü” kimi tanınmışdır.

Hüseyn İbadlı