"Lotu Quli"ni təhqir edən “qanuni oğru” güllələndi - VİDEO

Rusiyada kriminal avtoritet, Avropa “obşakı”nın nəzarətçisi Həmzət Qastamirovun (“Şeyx Həmzət”) qruplaşmasının üzvü öldürülüb.

Publika.az xəbər verir ki, bu haqda kriminal dairələrə yaxın məlumatlı mənbələr bildirib.

Timur adı ilə məşhur olan şəxsi “Mercedes” markalı avtomobil sükanı arxasında öldürüblər. Naməlum adamlar onun avtomobilini avtomatdan deşik-deşik ediblər. Hadisənin harada baş verdiyi hələlik məlum deyil.

Mənbələrə görə, onun azərbaycanlı avtoritet Nadir Səlifovla (“Quli”) bağlı videomüraciətə görə qətlə yetirildiyi ehtimal edilir. Bir müddət əvvəl Timur sosial şəbəkələrdə Nadir Səlifova ünvanlanmış video-müraciəti yayıb. Timur birmənalı olaraq “Quli”ni hədələyib və təhqir edib. Çeçen “qanuni oğru” azərbaycanlı avtoriteti cəzalandıracağına söz verib.

Güman edilir ki, bu videomüraciət qətlin əsas səbəbidir. Lakin hələlik bu versiya olaraq qalır.

Baxmayaraq ki, Həmzət Qastamirovun yaxınları bu informasiya həqiqətə uyğun olmadığını bildiriblər. Onların sözlərinə görə, Timur sağdır və yayılmış videoda tamamilə başqa insan təsvir olunub.

Ömər Dağlı