Cinayət dünyası

Eskobarın dəhşətlərinə şahidlik etmiş evlə bağlı GÖZLƏNİLMƏZ QƏRAR - FOTO

4 Aprel 2018 17:39

Kolumbiyalı narkotik baronu Pablo Eskobarın evi söküləcək.

Publika.az xəbər verir ki, bu qərar Medellin şəhərinin bələdiyyəsi tərəfindən qəbul edilib. Bələdiyyə 1989-1993-cü illərdə, müxtəlif qruplaşamalar arasında yaşanan narkotik müharibələrinin qurbanı olan 5000 insanın xatirəsini əbədiləşdirmək üçün həmin bölgədə yaşıl park salacaq. Beləliklə, şəhərə gələn turistlər üçün Pablo Eskobarın istifadə etdiyi evləri və məkanları görmək şansı verən turlar da ləğv ediləcək.

Eskobarın yaşadığı binanın daha öncə şəhərdəki təhlükəsizlik işçilərinə verilməsi nəzərdə tutulsa da, binanın bərpa işləri çox pul tələb etdiyindən bu qərardan vaz keçilib.

Bələdiyyə sədri Quterresin bildirdiyinə görə, belə qeyri-qanuniliyin simvolları olan yerlər sökülməlidir:

“Bu yerlər şiddət və ağrı üzərində inşa edilib. Ona görə qanunsuzluğun simvoluna çevrilən belə məkanlar sökülməlidir”.

Qeyd edək ki, Medellin qruplaşmasının rəqibi olan Kali 1988-ci ildə Eskobarı öldürmək üçün binaya 80 kq ağırlığında partlayıcı quraşdırmış, lakin Eskobar və ailəsi hücumdan sağ qurtulmuşdu.

Zümrüd