Cinayət dünyası

Gürcüstanda “Lotu Quli”nin adamları saxlanıldı

18 İyun 2018 13:00

Gürcüstanın Daxili İşlər Nazirliyi “oğru dünyası”nın 6 üzvünü saxlayıb.

Publika.az Gürcüstan KİV-inə istinadən xəbər verir ki, bu haqda nazirliyin nümayəndəsi Mamuka Çelidze brifinqdə bildirib.

Xüsusi halda, Zestafoni şəhərində “oğru dünyası”nın aktiv iştirakçısı olan üç avtoritet saxlanılıb. Bunlar 34 yaşlı T.K., daha əvvəl ittiham edilmiş 51 yaşlı B.B. və artıq dəfələrlə mühakimə edilən 50 yaşlı A.B.-dır.

Saxlanılan şəxslərdən ikisinin azərbaycanlı, “Lotu Quli” ləqəbli kriminal avtoritet Nadir Səlifovla əlaqəli olduğu müəyyənləşdirilib. 38 yaşlı B.B və 37 yaşlı C.O. adlı şəxslər vətəndaşlardan külli miqdarda pul tələb etməkdə günahlandırılır.

İstintaq Gürcüstanın Cinayət Məcəlləsinin 223-cü maddəsinin birinci hissəsi üzrə aparılır. Müttəhimləri 7 ildən 10 ilə qədər həbs cəzası gözləyir.

Ömər