"Atanı öldürməlisən!" - FETÖ-çü psixiatrın hipnoz əməli ifşa olundu

İstanbul Ədli Tibb Qurumundan qovulduqdan sonra açdığı xüsusi uşaq psixiatriya klinikasında məişət zorakılığı diaqnozu qoyduğu 40 uşağın ailəsini təhdidlə şantaj etdiyi ortaya çıxan FETÖ-çü uşaq psixiatrının 17 yaşlı qızı atasını öldürməyə razı saldığı məlum olub.

Publika.az xəbər verir ki, professor həkim Süleyman Salih Zoroğlu məsləhətçi kimi yanına gələn ailələrin uşaqlarına ilk olaraq "Çoxlu Şəxsiyyət Pozğunluğu" adlı xəstəlik diaqnozu qoyub. Ardınca isə əslində insanlar üçün istifadəsi təhlükəli olan və yalnız heyvanlarda istifadə üçün uyğun olan "Ketamin" adlı dərman verərək müalicəyə başlayıb. Uşaqlar yaddaş itkisinə, bəzi hallarda isə transa səbəb olan dərmanın təsiri ilə hipnoz edilir və müəyyən dozadan sonra bütün uşaqlar həkimin təsiri altına düşərək ailə daxilində cinsi zorakılığa məruz qaldıqlarını qəbul edirdilər.

Bakırköy Respublika Prokurorluğu şikayətlər üzərinə istintaq başlayıb. İstintaq çərçivəsində hərəkətə keçən Qəsb Büro Qrupları Prof. Dr. Süleyman Saleh Zoroğlu, həyat yoldaşı və 4 əməkdaşını nəzarətə götürüb. Zoroğlu və köməkçi həkim Əhməd A. həbs edilib və klinika polis qrupları tərəfindən möhürlənib.

Qalmaqalın ortaya çıxması ilə prokurorluğa gedən ailələrin sayı da artıb. Bir ailənin danışdıqları dəhşət doğururdu. Ailənin iddiasına görə, ilk iclasda 17 yaşlı qızlarına “atan sənə təcavüz edir” deyilib.

Qız müalicəyə başlayıb və ona hipnotik təsir göstərən sözügedən dərman verilib. Hər seansda gənc qız dərman qəbul edib, vəziyyəti daha da pisləşib və ailəsindən uzaqlaşdı. Ailəyə kabusu yaşadan müalicə 6 ay davam edib.

Gənc qızın anası “Qızım hər dəfə ora gedib gələndə mənə atasının ona sataşmasından danışırdı. Ərimə güvənirəm, amma qızım buna tamamilə inanmışdı. İş o yerə çatmışdı ki, seansların birindən çıxanda həkimin təklifləri ilə “atamı öldürməliyik” dedi. Həkim qızıma məhkəmə tibbində belə görünməyən bir dərmandan danışıb. "Bu, sözün əsl mənasında, cinayətə təhrikdir", - deyə bildirib.

Bununla kifayətlənməyən prof. Dr. Zoroğlu gənc qıza ailəsinin yanında qalacağı təqdirdə özünü öldürəcəyini deyib və qıza təxminən bir ay onun evində qalmasını təklif edib. Gənc qızı digər xəstələrlə eyni seanslara salıb və ona 48 fərqli xarakter diaqnozu qoyub. Qızı valideynlərinə nifrət etdirən həkim, atasını CİMER-ə (Türkiyə Cümhuriyyəti Əlaqə Mərkəzi) şikayət etdirib. Məqsəd isə qızın otel sahibi olan atasının bütün var-dövlətini ələ keçirməsi idi. Bu üsulla onun bir çox ailənin həyatını kabusa çevirdiyi məlum olub.

İstanbul 14-cü Ağır Cəza Məhkəməsində keçirilən prosesdə dövlət vəzifəsindən uzaqlaşdırılan Zoroğlu “FETÖ/PDY terror təşkilatına üzv olmaq” ittihamı ilə 7 il 6 ay müddətinə azadlıqdan məhrum edilib. Faylın hazırda Ali Apellyasiya Məhkəməsində olduğu, yekunlaşmadığı və baxılmasının davam etdiyi öyrənilib. Məhkəmə prosesində sosial mediada FETÖ-nü tərifləyən mesajlara görə qanuni hökmlə işdən çıxarılan həkim Süleyman Salih Zoroğlunun özünü “Facebook-da yeni vaxtlarım idi” kimi müdafiə etdiyi ortaya çıxıb. Zoroğlunun 2022-ci ildə FETÖ ilə bağlı paylaşımlar etdiyi üzə çıxıb. O, qaçaq FETÖ üzvü Hakan Şükürün müxtəlif statuslarını paylaşıb.

Nəzrin