28 illik həbsdən sonra günahsız olduğu üzə çıxdı

1995-ci ildə Los-Ancelesdə park edilmiş avtomobildə oturan cütlüyə hücum edərək avtomobildəki qadına təcavüz etməkdə günahlandırılan Kabanillasın DNT testindən sonra günahsız olduğu ortaya çıxıb.

Publika.az xəbər verir ki, hadisəni yenidən araşdıran prokurorluq cinsi təcavüzlə bağlı DNT dəlillərinə əsaslanaraq zorlamanın iki fərqli təcavüzkar tərəfindən törədildiyini müəyyən edib. Hakim 28 il həbsdə olan Kabanillasın günahsız olduğuna, onun məhkumluğunun ləğvinə və azadlığa buraxılmasına qərar verib.

Kabanillası təmsil edən və günahsız olduğu güman edilən məhbuslara pulsuz hüquqi dəstək verən Kaliforniya Məsumluq Layihəsinin səlahiyyətliləri də DNT testinin nəticələrinə görə, Kabanillasın hücumu həyata keçirən iki şəxsdən biri olmadığını bildiriblər.

Səlahiyyətlilər bildiriblər ki, bir nəfər cinayəti etiraf etsə də, indiyədək hadisə ilə bağlı Cabanillasdan başqa heç kim həbs olunmayıb.

Bölgə prokuroru Corc Qaskon Kabanillasdan üzr istəyib. “Ədalətin yanlışlığına və hüquq sistemimizin uğursuzluğuna görə dərin təəssüf hissi keçirirəm”, - deyə bildirib.

Hadisədən sonra hücuma məruz qalan iki şəxs Kabanillasın şəklini müəyyən etsələr də, sonradan əmin olmadıqlarını və onun şəxsiyyətini müəyyənləşdirmək üçün təzyiqə məruz qaldıqlarını bildiriblər.

Cabanillas cütlüyə hücum edən iki silahlıdan biri olduğunu etiraf edərək günahı öz üzərinə götürmüşdü.

Nəzrin