Cinayət dünyası

Məşhur “qanuni oğru” öldürüldü

5 Oktyabr 2023 16:45

Qırğızıstanda məşhur “qanuni oğru” Kamçı Asanbek Bişkekin mərkəzində keçirilən xüsusi əməliyyat zamanı öldürülüb.

Publika.az xəbər verir ki, bu barədə Qırğızıstanın Milli Təhlükəsizlik Nazirliyi məlumat yayıb.

“Əməliyyat-axtarış tədbirləri zamanı K.Asanbekin yeri müəyyən edilib... Sonuncu MTN əməkdaşlarının qanuni tələblərinə məhəl qoymayaraq, odlu silahdan istifadə etməklə silahlı müqavimət göstərib”, - deyə mətbuat xidmətinin nümayəndəsi bildirib.

Onun sözlərinə görə, Asanbek təhlükəsizlik qüvvələrinin cavab atəşi ilə öldürülüb. MTN-dən verilən məlumata görə, xüsusi əməliyyat zamanı başqa itki olmayıb.

Kamçı Asanbek (Kamçıbek Kolbaev) MDB-nin kriminal dairələrində “Kolya Qırğız” kimi tanınırdı.

2007-ci ildə ABŞ Dövlət Departamenti Kolbayevi ölkədəki “ən güclü cinayətkar qruplaşmanın lideri” adlandırıb və 2008-ci il aprelin 23-də Moskvada Kolbayevə Rusiya mütəşəkkil cinayətkarlığının liderləri tərəfindən qanun oğru “tacı” verilib.