Kriminal dəstənin ən qəddar üzvü: Ömürlük məhkum görün nə etdi

Ömürlük azadlıqdan məhrum edilən, daha çox “Vova Bespredel” ləqəbi ilə tanınan, “Tsapkov” dəstəsinin üzvü Vladimir Alekseyev Rostov-na-Donudakı 1 saylı istintaq təcridxanasında 800 min rubl (təxminıən 16 min AZN) dəyərində şponlar (odundan hazırlanmış material) quraşdırıb.

Publika.az xəbər verir ki, bu barədə “Shot Telegram” kanalı məlumat yayıb.

Mənbənin sözlərinə görə, Alekseyev dəfələrlə ömürlük məhbuslar üçün nəzərdə tutulmuş “zon”lardan təcridxanaya köçürülüb. Daha yüngül cəza almaq üçün apellyasiya şikayəti verib.

Bildirilir ki, son iki ildə Alekseyev iki dəfə, o cümlədən terrorçuların girov götürüldüyü gün Rostov istintaq təcridxanasında olub. Həmin şəxs başqa blokda saxlanılıb. Hazırda onun “Qara Delfin” koloniyasına köçürülməsi məsələsi həll edilir.

2013-cü ildə Alekseyev 18 nəfərin qətliamında təqsirli bilinərək ömürlük həbs cəzasına məhkum edilib. Onu “Kuşçevskaya” mütəşəkkil cinayətkar qrupunun ən qəddar üzvü adlandırırlar. O, dəstənin başçısı Sergey Tsapokun şəxsi mühafizəçisi olub.

“Vova Bespredel” maraqlı şponlar hazırlamaqla özünü ömürlük həbs həyatına hazırlayır.

"Tsapkov dəstəsi" 1990-2000-ci illərdə Krasnodar diyarında quldurluq və reketçiliklə məşğul olub. 2010-cu ilin payızında dəstə üzvləri rəhbərin göstərişi ilə fermer Ametovun ailəsinə hücum edərək 12 nəfəri qətlə yetiriblər. Cinayət geniş miqyas alıb, bundan sonra mütəşəkkil cinayətkar qrup hüquq-mühafizə orqanları tərəfindən darmadağın edilib.

Adəm Abbaslı