İşə götürdükləri qadını 2 il bağlı mənzildə qul kimi işlətdilər

Hindistanda dəhşətli cinayətin üstü açılıb.

Publika.az "Times of India"ya istinadın xəbər verir ki, 39 yaşlı bir qadın bağlı mənzildə saxlanılıb və iki il ondan kölə kimi istifadə ediblər. Nəşr yazıb ki, qadın gündə 16 saat işləməyə məcbur edilib.

"Hər şey qadının ev işləri görmək adı ilə bir işə düzəlməsindən sonra başlayıb. O, əvvəlcədən ödəniş aldıqdan sonra işəgötürənin mənzilinə gedib və orada qapının kilidləndiyini görüb. Bundan sonra çölə çıxa bilməyən qadın köləliyə məcbur edilib", - məqalədə yazılıb.

Dəhşətli cinayətin qurbanına çevrilən hindistanlı gündə 16 saatdan çox işləməyə məcbur edilməklə yanaşı döyülürümüş: "Mənzildə yüksək texnologiyalı təhlükəsizlik sistemi quraşdırılıb ki, bu da onun evdən qaça bilməsinə və ya ailəsi ilə əlaqə saxlamasına mane olub. Lakin elə bir məqam yaranıb ki, evə gələn məişət texnikası təmirçisi xilaskara çevrilib. Qadının ustanın vasitəsilə ailəsinə mesaj göndərməyi bacarıb. Zərərçəkənin bacısı yerli hakimiyyət orqanları ilə əlaqə saxlayıb və hüquq-mühafizə orqanları, ictimai fəallar qul kimi işlədilən qadını azad ediblər".

Mənzil sahibi hadisə yerindən qaça bilib.

Müəllif: Tural