Dəb

Məhəbbəti, ruzi-bərəkəti çağıran aksessuar - FOTOLAR

22 Aprel 2015 14:45

Mövsümün aksessuar dəbində fil fiqurları xüsusi yer tutur. Bu fiqurun dəbdə olmasının əsas səbəbi filin Hindistanda müqəddəs olması ilə bağlıdır.

Bu müqəddəslik anlayışı dünyanın fil üzərində dayanması əfsanəsindən qaynaqlanır. O, güc, qüdrət, ruzi və bərəkət simvolu kimi də tanınsa da, şəfqət, məhəbbət və xeyirxahlıq simvolu kimi daha çox xarakterizə olunur. Nepalda və ya Hindistanda birinin çoxlu sayda fil fiqurları və bəzəklər taxması onun həyatında çox yaxşılıqlar etdiyini, bəzək əşyalarının ona həmin yaxşılıqların müqabilində hədiyyə edildiyini göstərir.

Qədim Çin elmi fen-şuyda isə filin xoşbəxtlik, uğur rəmzi odluğu iddia olunur. Xüsusən, filin xortumu yuxarıya qaldırılmış istiqamətdə olmalıdır.

Ağ fillər isə nə nağıldır, nə də ki, albinosların uydurması. Albinos fillər mövcuddur, onlar Siamda canlı kult hesab olunur. Bu fillər tamamilə ağ deyil. Ağa yaxın və ya sarışın olan bu fillərin bəxti gətirir. Ona görə ki, ağ fillərə ömrünün sonuna kimi şahzadə kimi baxırlar.

Qədim hind fəlsəfəsində ədəbiyyat və müdriklik allahı Qaneşanın başı fil formasındadır. Bədəni isə insan bədəni kimidir.

Aytən