Digər

Koronavirusa inanmayan prezidentin HƏZİN SONU

16 İyun 2020 16:55

Burundi prezidenti Pyer Nkurunzizanın koronavirus səbəbilə dünyasını dəyişdiyi iddia olunur.

Publika.az xəbər verir ki, bu barədə ölkənin yerli mətbuatında məlumat dərc edilib.

Qeyri-rəsmi informasiyaya əsasən, Burundi prezidenti miokard infarktından deyil, COVİD-19 xəstəliyi səbəbilə ölüb.

Xəbərlərdə, səlahiyyətli orqanların koronavirus pandemiyasına ciddi münasibət göstərmədikləri və buna görə Nkurunzizanın real ölüm səbəbini gizlətdikləri bildirilib.

Qeyd edək ki, Pyer Nkurunziza ölmədən əvvəl verdiyi açıqlamada infeksiyanın hava vasitəsilə yoluxduğunu bildirərək Tanrının Burundini qorduğunu və Burundi havasının təmizləndiyini qeyd etmişdi.

Burundi hökuməti COVİD-19 pandemiyasını manipulyasiya etməkdə günahlandırdıqları Ümumdünya Səhiyyə Təşkilatının nümayəndələrini 15 mayda ölkədən qovmuşdu.

Xatırladaq ki, Pyer Nkurunziza 8 iyunda dünyasını dəyişib.

Zümrüd