Dünya
Rusiyanın Donbasla bağlı sirlərinin üstü açıldı
“Rusiya Ukraynadakı itkilərini təsadüfən “ağzından qaçırdı”.
Publika.az xəbər verir ki, bu barədə “Forbes” jurnalında siyasi müşahidəçi Pol Roderik Qreqorini yazıb.
Onun yazdığına görə, maliyyə bazarları və biznes hesabatları ilə tanınan Rusiyanın “İşgüzar həyat” nəşrinin saytında “2015-ci ildə hərbi ödəmələrin artması” adlı analitik material dərc edilib. Materialda Ukrayna ərazisində ölən Rusiya əsgərlərinin sayı açıqlanmışdı. Senzorlar rəqəmləri tezliklə silsələr də, materialı jurnalistlər götürə biliblər. Bundan başqa məlumat veb-arxivdə qalıb.
Pol Roderik Qreqori qeyd edib ki, materialın bölmələrindən biri bu şəkildə idi: “2014-2015-ci illərdə Ukraynada döyüş hərəkətlərində iştirak üçün hərbi personala ödənilən kompensasiya”.
Ukraynada hərbi əməliyyatlarda ölən hərbçilərin ailələri üçün pul kompensasiyası 3 milyon rubl (təxminən 43 min dollar), döyüşlərdə yaralanaraq əlil olanlar üçün isə 1,5 milyon rubl (təxminən 21,5 min dollar) təşkil edir. Bundan başqa, münaqişə zonasında müqavilə əsasında xidmət edənlərin bir gününə 1,8 min rubl (təxminən 26 dollar) ödənilməsi nəzərdə tutulub. 1 fevral 2015-ci ilə kimi ölən 2 min hərbçinin ailəsinə, 3,2 min hərbçinin isə özünə kompensasiya ödənilib.
Rusiya nəşrinin yazdığına görə, kompensasiyalar ümumilikdə 20 milyon dollar təşkil edib. Qreqori “sülh vaxtları”nda ölən hərbçilərin sayının məxfiləşdirilməsi ilə bağlı Rusiya prezidenti Vladimir Putinin sərəncamını xatırlanıb: “Əgər ailələr onların oğullarının Ukraynada həlak olduğunu açıqlasalar, o halda dövlət ödəmələri, həmçinin təqaüdlərindən məhrum olacaqlar. Bundan başqa, qanunu pozanları cinayət məsuliyyəti gözləyir”.
Qreqori qeyd edib ki, “İşgüzar həyat” nəşrində gedən analitik material Rusiya qoşunlarının Ukrayna ərazisində olmadığını bildirən Moskvanın yalan danışdığını göstərir. Onun sözlərinə görə, çoxsaylı sübutlara baxmayaraq, rusiyalıların yalnız dörddə biri Rusiya qoşunlarının Ukraynaya daxil olduğuna inanır.
Ömər Dağlı
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı