Filippində tufan: 4 ölü
Bizi izləyin

Dünya

Filippində tufan: 4 ölü

Filippinin şimalında “Korri” tufanının yaratdığı daşqınlar və torpaq sürüşməsi nəticəsində dörd nəfər həlak olub, minlərlə insan evlərini tərk etmək məcburiyyətində qalıb. Bu barədə yerli hakimiyyət orqanları məlumat yayıb.

Xilasetmə xidmətinin məlumatında Nueva-Esiha əyalətində iki nəfərin boğulduğu, Tarlak əyalətində bir nəfəri elektrik cərəyanının vurduğu, digərinin isə paytaxt Manilada aşan ağacın altında qalması nəticəsində həlak olduğu qeyd edilir.

Sinoptiklərin məlumatına görə, tufan Aurora əyalətinin Kasiquran şəhərində torpaq sürüşməsinə səbəb olub. Saatda beş kilometr sürətlə əsən güclü küləyin şimal-şərq istiqamətində irəlilədiyi bildirilir.

Xəbər verdiyimiz kimi, oktyabrın 16-da ölkədə “qırmızı” səviyyəli qasırğa xəbərdarlığı elan olunub. “Korri” tufanının yaxınlaşması ilə əlaqədar Aurora və İzabela əyalətlərində əhali təxliyə edilib.

Oxumağa davam et
Reklam
Reklam

Gündəm