Ərdoğan Messi ilə futbol oynayacaq
Bizi izləyin

Dünya

Ərdoğan Messi ilə futbol oynayacaq

Türkiyə Prezidenti Rəcəb Tayyib Ərdoğan Samuel Eto’o Fondunun 10-cu il fəaliyyəti çərçivəsində Antalyada ulduz futbolçular arasında keçiriləcək qarşılaşmada meydana çıxacaq.

Ərdoğanın futbol oynayacağı adlar arasında Barselona klubunun ulduzu Lionel Messi də var. Türkiyənin Antalyaspor klubunun kamerunlu futbolçusu Samuel Eto’onun adını daşıyan fondun təşkil etdiyi bu qarşılaşmadan gələn gəlir afrikalı uşaqlar üçün xərclənəcək.

Fond yeni oyuna Türkiyə Prezidentini də dəvət edib. Antalya Böyükşəhər Bələdiyyə sədri Menderes Türel sosial şəbəkədə Ərdoğanın dəvəti qəbul etdiyini açıqlayıb.

“Messi ilə bərabər dünyanın digər ulduzu Prezidentimiz Rəcəb Tayyib Ərdoğan da Antalya Arenada futbol oynayacaq. Xairici oşlər naziri Mövlüd Çavuşoğlu və bəndənizin də forma geyinəcəyi iyulun 16-da 20:45-də (Türkiyə vaxtı ilə) başlayacaq qarşılaşmaya hamınız dəvətlisiniz”, - Menderes Türel deyib.

Matç 16 iyulda Antalya Arena stadionunda baş tutacaq. Maradona, Messi, Neymar, Suarez, Eden Hazard, Totti, Maykl Essyen, Xavi, Avqustin Okoça, Piyer Emerik Obameyanq, İniyesta və Arda Turan böyük matçda meydana çıxacaq.

Oxumağa davam et
Reklam
Reklam

Gündəm