ABŞ geri çəkilsə, ÜST çökəcək? - Planetin gələcəyini gözləyən qarşısıalınmaz təhlükələr

ABŞ-ın Ümumdünya Səhiyyə Təşkilatından çəkilməsi qurumun qlobal səhiyyə proqramı və fəaliyyətinə mənfi təsir göstərəcək.

Publika.az xəbər verir ki, qərar başda yeni tip koronavirus pandemiyası olmaqla, serebral iflic, malyariya, tuberskleroz və QİÇS kimi ölümcül xəstəliklərə qarşı aparılan mübarizəyə zərər vuracaq.

Qlobal səhiyyə mütəxəssisləri ABŞ-ın qərarının uşaq iflicinin planetdən kökünün qazılıb atılmasının astanasında olan dövrə təsadüf etməsinə diqqət çəkir.

Bu iddialara qarşı rəsmi Vaşinqton isə çəkilməyin COVID-19 pandemiyasındakı öhdəliklərinə təsir göstərməyəcəyini, ABŞ-ın onsuz da pandemiyaya qarşı qlobal mübarizəyə dəstək üçün 10 milyard dollar ayırdığını və ölkənin qlobal səhiyyə, humanitar yardımlardakı rolunu azaltmayacağını bildirir.

Bununla yanaşı, təşkilatın bir nömrəli maliyyə qaynağı olan ABŞ-ın qurumdan çıxması ÜST-ün qısa müddətdə maliyyə sıxıntısına girəcəyi anlamına da gəlmir. Çünki təşkilatın Baş katibi Tedros Adhanom Qebreyesus Almaniya və Fransadan dəstək istəyib, onun tələbinə müsbət cavab verilib. Bundan başqa, Çin də təşkilata dəstəyini əsirgəməyəcəyini açıqlayıb.

Qeyd edək ki, II Dünya müharibəsindən sonra, 1948-ci ildə Birləşmiş Millətlər Təşkilatının nəzdində ABŞ və digər qlobal güclər tərəfindən qurulan ÜST cəmiyyətin sağlamlığı ilə bağlı beynəlxalq işlərin mərkəzi mövqeyindədir. Təşkilatın 194 üzv ölkəsi var.

Zümrüd