Ən baxımlı əyləncələrdən biri qadağan edilir

Fransa parlamenti sirk nümayişlərində vəhşi heyvanlarla proqramların yasaqlanması barədə qanun qəbul edib.

Publika.az xəbər verir ki, bu barədə "National Geographic" məlumat yayıb.

Qanuna görə, pələng, şir, ayı və digər heyvanların "çıxışları" iki il müddətində məhdudlaşdırılacaq, yeddi il sonra isə vəhşi heyvan sahibi olmaq qeyri-qanuni sayılacaq. Delfinlərin şousu üçün bu müddət beş il təşkil edir.

Sirklərlə bağlı tədbirlərlə yanaşı, yeni qanun heyvanlarla qəddar davranışa görə maksimal cəza müddətini 5 ilədək, cəriməni isə 75 min avroyadək artırır, eləcə də ev heyvanlarının satışına olan məhduduiyyətləri sərtləşdirir.

Su samuru fermaları dərhal bağlanacaq, televiziya şouları, istənilən əyləncəli tədbirində vəhşi heyvanların iştirakı yasaqlanacaq.

Fransa sirk heyvanı təlimçilərinin həmkralar ittifaqı apellyasiya şikayəti verməyə hazırlaşır. Ancaq keçirilmiş sorğu göstərib ki, fransızların əksəriyyəti yeni qanunu dəstəkləyir. Onlarla şəhərdə heyvanların da proqlamlarının yer aldığı səyyar sirklər qadağan olunub.