ABŞ narahatdır: Bu ölkə burnunun ucunda hərbi mərkəz yaradır

Çin və Kuba ilə bu ölkənin şimal sahilində ortaq hərbi təlim mərkəzi yaratmaq üçün danışıqlar aparır.

Publika.az xəbər verir ki, bu barədə "Wall Street Journal" məlumat yayıb.

Adının açıqlanmasını istəməyən ABŞ rəsmiləri bildiriblər ki, ABŞ, ölkəyə bu qədər yaxın mərkəzə Çin əsgərlərinin yerləşdirilməsi və kəşfiyyat əməliyyatlarından narahatdır.

Rəsmilər deyirlər ki, mərkəzin yaradılacağı təqdirdə Çin qoşunlarının ABŞ-ın Florida ştatından cəmi 160 kilometr aralıda yerləşən Kubada olması "narahatlıq verəcək".

ABŞ kəşfiyyatının hesabatlarında Bayden administrasiyasının bu prosesi əngəlləmək üçün Kuba rəsmiləri ilə görüşdüyü bildirilsə də, Ağ Evdən mövzu ilə bağlı açıqlama verilməyib.

Digər tərəfdən ABŞ Dövlət Departamenti Antoni Blinkenin Çinə səfəri zamanı Pekin rəhbərliyinin Kubadakı kəşfiyyat fəaliyyətləri ilə bağlı ölkəsinin narahatlığını dilə gətirdiyini açıqlayıb.

Bildirilib ki, Kubada yaradılması planlaşdırılan mərkəzin Çinin “Project 141” təşəbbüsü çərçivəsində həyata keçiriləcək. Məlumdur ki, layihə çərçivəsində Çinin Kambocada dəniz postu, Birləşmiş Ərəb Əmirliklərində hərbi mərkəz və Cibutidə hərbi bazası var.

Ayşən