Dünya

SON DƏQİQƏ: Bingöldə polislərə atəş açan PKK-çılar öldürüldü

10 Oktyabr 2014 03:17

Türkiyənin Bingöl şəhərində polislərə silahlı hücum edən PKK terrorçuları öldürülüb.

Publika.az Türkiyə mediasına istinadən xəbər verir ki, polis Genç mahalındakı Murat çayı körpüsündə terrorçuları tələyə salıblar. Bingöldən Diyarbəkir istiqamətində hərəkət edən terrorşularla polislər arasında baş verən atışmada 5 PKK-lı öldürülüb.

Qeyd edək ki, PKK terror təşkilatının üzvləri oktyabrın 9-da ərazini yoxlamağa çıxan Bingöl Polis İdarəsinin rəisi Atalay Ürkək, müavinləri Arif Şahin və Hüseyn Hatipoğlunun içərisində olduğu avtomobili iri çaplı silahlardan atəşə tutublar. Nəticədə polis rəisi ağır yaralanıb, müavinlər isə yerindəcə keçiniblər.

Ümumilikdə isə Kobani hadisılərini bəhanə edərərk küçələrə çıxan PKK-çılar son iki gündə İstanbul, Mersin, Adana, Gaziantep, Diyarbakır və Bingöldə 2 polisi öldürüb, 7-ni yaralayıblar.