Dünya

Ukrayna Milli Qvardiyası müharibəyə göndərilməyəcək

14 Oktyabr 2014 01:20

Ukrayna prezident administrasiyasının qarşısında tərxis olunma tələbi ilə etiraz aksiyası keçirən Milli qvardiyanın 300-ə yaxın əsgəri ilə prezident administrasiyası başçısının birinci müavini Gennadi Zubko görüşüb.

Publika.az-ın unian.net saytına istinadən verdiyi məlumata görə, G.Zubko əsgərlərə antiterror əməliyyatları zonasına göndərilməyəcəyi və mitinq üçün cəzalandırmayacağı barədə söz verib.

Prezident administrasiyası başçısının birinci müavini bildirib ki, bunun əvəzində Milli Qvardiya əsgərləri hərbi hissəyə qayıtmalıdır.

“Prezidentin İtaliyaya səfərdən sonra necə hərəkət edəcəyimiz aydın olacaq”, - G.Zubko bildirib.

Milli Qvardiyanın etiraz edən əsgərləri hərbi hissəyə qayıtmağa qərar verib. Əsgərlər avtobuslarla hərbi hissəyə qayıtmağa başlayıblar.

Ömər Dağlı