Lavrov BMT-də İsrail nümayəndəsi ilə "atışdı: "Vicdanınız çox dözəcək" - VİDEO

Rusiyanın xarici işlər naziri Sergey Lavrov və İsrailin BMT-dəki daimi nümayəndəsi Gilad Erdan Ümumdünya Təşkilatının Təhlükəsizlik Şurasının (GŞ) Yaxın Şərqdəki vəziyyətə həsr olunmuş iclasında söz davasına çıxıblar.

Publika.az xəbər verir ki, Lavrov və İsrailin daimi nümayəndəsi BMT Təhlükəsizlik Şurasının Qəzza ilə bağlı iclasında bir-birilərini kəskin ittiham ediblər. "Vicdanınız çox dözəcək" deyən Lavrov Qərbin Rusiyanın Ukraynaya hücumu ilə bağlı ittihamlarına sərt cavab verib.

Belə ki, Erdan çıxışı zamanı Rusiyaya silah tədarük etdiyi iddia edilən İranın hərəkətlərini tənqid edib. Lavrov isə öz növbəsində buna cavab olaraq deyib ki, BMT-də bu cür ittihamlar artıq “əzbərlə, dil bükməklə” ifadə edilir.

Görüş zamanı Lavrov həmçinin ABŞ-ın Yaxın Şərqdəki vəziyyətə nəzarət etdiklərinə dair bəyanatlarına inanmamağa çağırıb.

“Mən bir daha BMT Təhlükəsizlik Şurasının üzvlərini Vaşinqtonun guya hər şeyin nəzarətində olması barədə xəbərdarlıqlara boyun əyməməyə çağırmaq istərdim”, - deyə o bildirib.

Fələstin-İsrail münaqişəsinin həlli perspektivlərindən danışan Lavrov deyib ki, qarşıdurma “ABŞ-ın zərərli təsiri altında regionda təhlükəli metastazlar verib. Bu da öz növbəsində beynəlxalq təhlükəsizlik üçün yeni risklər yaradır".

Bununla əlaqədar olaraq, nazir qeyd edib ki, İordaniyanın Qərb Sahilində İsrail zorakılığını dayandırmaq lazımdır. Söhbət həm ordunun, həm də israilli köçkünlərin hərəkətlərindən gedir.

Yəməndəki vəziyyətdən danışan Lavrov deyib ki, Moskva ABŞ və İngiltərənin husilərə qarşı təcavüzünü qəti şəkildə pisləyir. O qeyd edib ki, Vaşinqton və Londonun Təhlükəsizlik Şurasının razılığı olmadan əsassız hərəkətləri sülhə təhlükə yaradır. Nazir əlavə edib ki, bununla ABŞ və Britaniya “dünya nizamını pozur, bu nizam onların qaydalarına deyil, universal beynəlxalq hüququn aliliyinə və BMT-nin mərkəzi roluna əsaslanır”.

Cəmilə