“Üç Qardaş Alyansı” hücum etdi: 58 polis bu ölkəyə qaçdı
Bizi izləyin

Dünya

“Üç Qardaş Alyansı” hücum etdi: 58 polis bu ölkəyə qaçdı

“Üç Qardaş Alyansı” hücum etdi: 58 polis bu ölkəyə qaçdı

Myanmada silahlı qruplarla hərbi hökumət arasında qarşıdurma zamanı 58 sərhəd polisi Banqladeşə sığınıb.

Publika.az xəbər verir ki, bu barədə Banqladeş Daxili İşlər Naziri Əsəduzzaman Xan Kamal mətbuata açıqlama verib. O, zabitlərin sığınacaq tələb etdikdən sonra saxlanıldığını və bu şəxslərin Myanmaya göndərilməsi üçün çalışdıqlarını bildirib.

Qarşıdurmalara görə sərhəddə təhlükəsizliyin artırıldığı barədə məlumatı paylaşan Kamal Banqladeş sərhədindən heç kimin keçməsinə icazə verməyəcəklərini bildirib.

O qeyd edib ki, bu səbəbdən Rohinca qaçqınlarının geri qayıtması prosesi gecikə bilər.

Banqladeş sərhəd təhlükəsizliyi rəsmisi də verdiyi açıqlamada sərhəd polisinin tərksilah edildiyini bildirib.

Qeyd edək ki, “Üç Qardaş Alyansı” adı altında bir araya gələn Myanma Milli Demokratik Alyansı Ordusu, Buddist Arakan Ordusu və Taanq Milli Azadlıq Ordusundan silahlı qruplar 27 oktyabr 2023-cü ildə Şan əyalətindən Myanma ordusuna qarşı hücuma keçib.

Roza Şəfiyeva

Oxumağa davam et
Reklam
Reklam

Gündəm