Dünya

Putinin Türkiyə səfərinə ABŞ-dan reaksiya gəldi: Bəzi pis niyyətli davranışların...

6 Fevral 2024 10:45

ABŞ Dövlət Departamenti Rusiya prezidenti Putinin Türkiyə səfərini dəyərləndirib.

Publika.az xəbər verir ki, Xarici İşlər Nazirliyinin mətbuat katibinin müavini Vedant Patel gündəlik mətbuat konfransında jurnalistlərin suallarını cavablandırıb.

“Əgər hər hansı bir ölkə Rusiyanın bəzi pis niyyətli davranışlarının qarşısını almaqda əhəmiyyətli rol oynaya bilərsə, biz bunu alqışlayarıq”, - sözçüsü bildirib.

Sözçü Türkiyənin xarici siyasəti ilə bağlı öhdəlikləri şərh etmək istəməyib:

“Ukrayna taxılının lazım olan yerə çatmasını istəyirik. Bu sahədə etibarlı irəliləyişin əldə olunmasının təmin edilməsinin kritik əhəmiyyətini hiss etməkdə davam edirik”.

Kremlin xarici siyasət müşaviri Yuri Uşakov yanvarın 29-da verdiyi açıqlamada Putinin fevralda Türkiyəyə səfəri üçün hazırlıqların getdiyini bildirib.

Aysel Şahmar