Trampdan üçüncü dünya müharibəsi xəbərdarlığı: Günah Bayden administrasiyasındadır

Çin, Rusiya, İran və Şimali Koreya arasında artan əməkdaşlığın günahkarı Bayden administrasiyasıdır.

Publika.az xəbər verir ki, bunu ABŞ prezidentliyinə namizəd Donald Tramp bildirib.

Eks-prezident möcvud dünya düzənini təhlükəli hesab edir və “hər şey üçüncü dünya müharibəsi ilə bitə bilər”, - deyə qeyd edib.

ABŞ-ın keçmiş prezidenti və Respublikaçılar Partiyasının namizədi vurğulayıb ki, Bayden administrasiyasının siyasəti Çinin Rusiya, İran və Şimali Koreya ilə birləşməsinə gətirib çıxarıb. Tramp əlavə edib ki, indiki dünya üç il əvvəlki vəziyyətlə müqayisədə tamamilə fərqlidir:

“Üç il yarım əvvəl biz mümkün ən pis hadisənin baş verməsinə icazə verdik, çünki prezident Co Bayden axmaq adamdır. O, Rusiya ilə Çini birləşməyə məcbur edib. Onlar əyləndilər, sonra kiçik qardaşları İranı, ardınca Şimali Koreyanı ələ keçirdilər. Onların başqa heç kimə ehtiyacı yoxdur”.

"Bəli, düşünürəm ki, bu, üçüncü dünya müharibəsi ilə bitə bilər" deyən Tramp Baydeni "səriştəsiz" adlandırıb.

Cəmilə