"Yolka"nızı evin bu 3 yerində qəti qurmayın

Bayramların əsas rəmzi olan şam ağacını düzgün yerdə yerləşdirmək təhlükəsizliyə görə son dərəcə vacibdir. Canlı ağac bir neçə saniyəyə alışa, süni ağac isə qızmış işıqlar və ya istilik mənbələri yaxınlığında qısa zamanda təhlükə yarada bilər.

Publika.az xəbər verir ki, buna görə də ağacı harada quracağınızı əvvəlcədən düşünmək lazımdır.

Keçid yerləri və hərəkətli zonalar

Bir çoxları ağacı qonaqlar görsün deyə dəhlizdə və ya mətbəxdə yerləşdirir. Əslində bu ən təhlükəli yerlərdən biridir. Keçidlərdə ağacın yerindən vurulması, aşırılması və ya su ilə islanması riski yüksəkdir. Xüsusilə evdə uşaqlar və ya aktiv ev heyvanları varsa, bu təhlükə daha da artır. Ən doğru seçim ağacı qonaq otağının kənar küncündə, insan axınından uzaqda qurmaqdır.

İstilik mənbələri yaxınlığında

Yeni il ağacını radiator, kamin, qızdırıcı cihazlar və ya isti boruların yanında qətiyyən qoymayın. Canlı ağac istilik səbəbi ilə tez quruyur və yanğın təhlükəsi yaradır.

Süni ağac isə deformasiya ola bilər, rəngi solur və qızdırılan plastik xoşagəlməz qoxu yayır. Təhlükəsizlik və uzunömürlülük üçün ağacı istilik mənbələrindən uzaqda yerləşdirin.

Rütubətli məkanlar

Artıq rütubət Yeni il ağacı üçün əlverişli deyil. Belə şəraitdə canlı və süni ağacın budaqlarında kif inkişaf edə bilər. Başlanğıcda bu görünməsə də, zərərli sporların evdə yayılması və nəfəs alınması sağlamlıq üçün risk yaradır.

Ağac olan otağı vaxtaşırı havalandırmaq tövsiyə olunur, lakin kəskin temperatur fərqlərindən çəkinmək lazımdır, həm ağaca, həm də bəzəklərə ziyan vurur.

Kiçik məsləhət

Ən çox edilən səhvlərdən biri bəzəkləri qutudan çıxaran kimi ağacı bəzəməkdir. Şüşə oyuncaqlar, fiqurlar il boyu anbarlarda toz və bakteriya toplayır.

Bəzəmədən əvvəl oyuncaqları sadəcə silmək kifayətdir. Bu bir neçə dəqiqə çəkəcək, amma evin havası daha təmiz və təhlükəsiz olacaq. (lent.az)