ABŞ Türkiyə gəmisinin kapitanını həbs etdi

Türkiyənin gəmiçilik şirkəti və onun Birləşmiş Ərəb Əmirliklərindəki tərəfdaşı ABŞ tərəfindən 2 milyon dollar cərimələnib.

Publika.az xəbər verir ki, bu barədə ABŞ Ədliyyə Departamenti bildirib.

Məlumata görə, New Orleans hakimi Türkiyədə yerləşən "Prive Shipping Denizcilik Ticaret" və onun Dubaydakı törəmə şirkəti "Prive Overseas Marine LLC"ni 2 milyon dollar cərimələyib.

Bundan əlavə, gəminin kapitanı Əbdürrəhman Qorxmaz ABŞ Sahil Mühafizəsinin təhqiqatına mane olmaq və Gəmilərin Çirklənməsinin Qarşısının Alınması Qanununu pozduğu üçün 8 ay həbs cəzasına məhkum edilib.

Sınaq müddəti kimi, iki birləşmiş beynəlxalq gəmiçilik korporasiyası növbəti dörd il ərzində ətraf mühitə uyğunluq planına, təhlükəsizlik və yoxlama tələblərinə əməl etməlidir. May ayında hər iki şirkət sui-qəsd və ədalət mühakiməsinə mane olmaq ittihamı ilə təqsirli bilinib.

İttihamlar gəminin kapitanı ekipaj üzvlərinə çirklənmiş tullantıları okeana atmaq əmri verdikdən və onu ört-basdır etməyə cəhd etdikdən sonra irəli sürülüb.

Adəm