Ermənistan konyakı yoxdur - Paşinyan RƏSMƏN AÇIQLADI

Erməni şərab zavodlarının ümumi konyak hesab edilən güclü spirtli məhsulları bu adla təyin edilə bilməz.

Publik.az xəbər verir ki, bunu Ermənistanın baş naziri Nikol Paşinyan bəyan edib.

Onun sözlərinə görə, konyak qorunan coğrafi göstəriciyə və başqa dövlətə məxsus brendə malik içkidir.

“Konyak Fransanın qeyri-maddi dəyəridir”, - Paşinyan hökumətin iclasında deyib.

O, “erməni konyakı” ifadəsi əvəzinə daha dəqiq “erməni brendi” ifadəsindən istifadə etməyə çağırıb.

İqtisadiyyat naziri Gevorq Papoyan öz növbəsində bildirib ki, Aİ-nin köməyi ilə erməni istehsalçılar öz məhsullarını brend kimi etiketləməyə başlayıblar.

Əsas versiyaya görə, erməni konyakının istehsalı 19-cu əsrin sonunda, yerli tacir 2021-ci ildə Fransa texnologiyası və xarici avadanlıqdan istifadə edərək içkinin istehsalına başlayanda Ermənistan hökuməti Aİ ilə maliyyə sazişini təsdiqlədi. 3 milyon avro kompensasiya müqabilində erməni alkoqollu içki məhsulları üçün “konyak” adından tədricən imtina edilməsini nəzərdə tutur. Avropa qanunlarına görə, yalnız altı Fransız konyak subregionlarından birində istehsal olunan içki konyak adlandırıla bilər.

Xatırladaq ki, konyak ilk dəfə, təqribən 300 il bundan əvvəl Fransanın Şaranta vilayətinin Konyak şəhərində istehsal olunmağa başlanıb. Bu, bir növ təsadüfi olub. Fransa Şarant çayı vasitəsilə İngiltərə və Skandinaviya ölkələri ilə ticarət əlaqəsi saxlayırdı. Lakin gəmidə çəlləklərlə şərabın daşınması çətin və baha başa gəlirdi. Digər tərəfdən zərif şaranta süfrə şərabları yolda və ticarətçilərin zirzəmilərində tez xarab olub, sıradan çıxırdı. Buna görə də şərabların qaynadılıb destillə edilməsi məsələsi ortaya çıxdı. Destillə olunmuş material palıd çəlləklərdə müəyyən müddət qaldıqdan sonra yaxşı keyfiyyət əldə etdi.

Adəm Abbaslı