Magazin1

Ağadadaş Ağayev məhkəməyə gəlmədi - Həbs olunacaq?

31 Oktyabr 2024 15:27

Xalq artisti Ağadadaş Ağayev və onunla birgə insident yaratmaqda təqsirləndirilən “Medera Hospital”ın mühafizəçisi Nurəddin Cəlilovun cinayət işi üzrə məhkəmə prosesi keçirilib.

Publika.az Teleqraf.com-a istinadən xəbər verir ki, Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə zərərçəkən tərəfin Ağadadaş Ağayev barəsində olan ev dustaqlığı qətimkan tədbirinin həbs qətimkan tədbir ilə əvəz olunması ilə bağlı vəsatəti təmin olunmayıb.

Təqsirləndirilən Ağadadaş Ağayev məhkəməyə gəlməyib. O, səhhəti ilə əlaqədar iştirak edə bilməyəcəyi ilə bağlı məhkəməyə teleqram göndərib.

Növbəti proses 14 oktyabrda keçiriləcək.

Qeyd edək ki, Ağadadaş Ağayevin atdığı baltanın dəydiyi təmizlikçi Nəzakət Paşayeva cinayət işində zərərçəkən qismində tanınıb.

Xalq artisti ilə mühafizəçi Cinayət Məcəlləsinin 221.3-cü (xuliqanlıq- 221.3-cü (silah qismində istifadə olunan əşyalardan istifadə etməklə törədildikdə) maddəsi ilə təqsirli bilinirlər.