Pakistanda tayfalararası qarşıdurma davam edir: Ölənlərin sayı artdı
Bizi izləyin
Aptekonline

Dünya

Pakistanda tayfalararası qarşıdurma davam edir: Ölənlərin sayı artdı

Pakistanın şimal-qərbində 4 gündür davam edən tayfalararası qarşıdurmada ölənlərin sayı 85-ə çatıb.

Publika.az xəbər verir ki, bu barədə Hayber-Paxtunxva əyalətinin sözçüsü Məhəmməd Əli Seyf mətbuata açıqlama verib.

O, qeyd edib ki, tərəflərlə danışıqlar və münaqişələrə son qoymaq üçün səylər davam edir.

Noyabrın 21-də yaraqlılar Kürrəmdə şiələri daşıyan sərnişin karvanına silahlı hücum edib və hadisə nəticəsində azı 42 nəfər həyatını itirib. Hücumdan sonra bölgədə şiə və sünni qəbilələri arasında qarşıdurma yaranıb.

Qeyd edək ki, 240 milyon əhalisi olan Pakistanda şiələr ölkənin təxminən 15 faizini təşkil edir. Ölkənin Hayber-Paxtunxva əyalətinin mərkəzi Pişəvərdən 218 kilometr aralıda yerləşən Kürrəm bölgəsində şiə və sünni qəbilələri arasında vaxtaşırı toqquşmalar baş verir və bu toqquşmalarda çoxlu insan həlak olur.

Roza

Oxumağa davam et
Reklam
Reklam

Gündəm

Aptekonline