Bu ölkənin ümidi Türkiyədir: Əvvəlcə Allaha, sonra Ərdoğana güvənirik

Sudan Suverenlik Şurasının sədri Əbdülfəttah əl-Burhan, mətbuata açıqlamasında Türkiyə ilə bağlı diqqət çəkən qiymətləndirmələr edib.

Publika.az xəbər verir ki, əl-Burhan Çevik Dəstək Qüvvələrinin (RSF) hücumları nəticəsində yaranan toqquşmaların ölkədə çoxlu maddi ziyana, eləcə də ölüm və yaralanmalara səbəb olduğunu bildirib.

O, RSF məsələsində sözdə həll yolları ilə bağlı bəzi zənglər aldıqlarını qeyd edib:

"Daimi həll yolu RSF-nin ləğvidir. Bu, onların hamısının ölməsi demək deyil, həm də silahlarını yerə qoyub təslim olmaq demək ola bilər. Bu zənglərin arxasında fərqli niyyətlər var. Faşist mühasirəsi zamanı atəşkəs təklifləri olmayıb. Faşistlərin süqutundan sonra atəşkəs təklifləri artıb, çünki onlar RSF-nin daha çox əraziyə nəzarət etməsini istəyirlər".

Əl Burhan Türkiyə, Misir, Qətər və Səudiyyə Ərəbistanı kimi ölkələrə dəstəklərinə görə təşəkkür edib:

"Biz əvvəlcə Allaha, sonra Ərdoğana güvənirik. Biz BƏƏ əvəzinə Türkiyə və ya Qətərin daxil edilməsini istəyirdik, amma bu RSF tərəfindən qəbul edilmədi. Bu müharibə çox əziyyətlərə səbəb oldu, lakin ordumuz yenidən qurulub. Əminik ki, Türkiyə bu məsələdə bizi dəstəkləyəcək. Türkiyə böyük bir ölkədir".

O, son olaraq, ölkəsinin Türkiyə ilə münasibətlərinin təkcə hərbi məsələlərdə deyil, həm də bir çox sahələrdə inkişaf edəcəyinə ümid etdiyini qeyd edib.

Roza