Aylanın ahı tutdu: Əsədin kəşfiyyat şefi Livana qaçarkən belə görüntüləndi - VİDEO

Suriyada müxalifət qüvvələrinin Əsəd rejimini devirməsindən sonra dünən ortaya çıxan bir görüntü 2011-ci ildə başlayan vətəndaş müharibəsi zamanı yaşanan humanitar faciələr dövrünü xatırladıb.

Publika.az xəbər verir ki, milyonlarla suriyalının ölkəsini tərk etməsinə səbəb olan rejimin kəşfiyyat şefi, Suriya Milli Təhlükəsizlik Bürosunun keçmiş rəhbəri Əli Məmlükün ailəsi ilə birlikdə şişmə qayıqla ölkədən qaçdığı iddia edilib.

Sosial mediada yayılan görüntülərdə Məmlükə bənzəyən bir şəxsin yanındakı qadın və uşaqlarla birlikdə qayığa minərək Livana doğru yol aldığı görünür.

Bu hadisə Muğlanın Bodrum rayonunda mindiyi qayığın batması nəticəsində dünyasını dəyişən suriyalı körpə Aylan Kurdini xatırladıb.

Xatırlaq ki, 2 sentyabr 2015-ci ildə Bodrumda 14 nəfərin olduğu qeyri-qanuni yollarla Yunanıstana keçməyə çalışan suriyalıları daşıyan gəminin batması nəticəsində 5 nəfər həyatını itirmişdi. 3 yaşlı Aylan da onların arasında idi.

Bu faciə o zaman bütün dünya gümdəminə yayılaraq Avropanın Suriya böhranına yanaşmasını dəyişmişdi. Həmin dövrdə Almaniya kansleri olan Angela Merkel Aylanın fotosunun onu sarsıtdığını və daha sonra Berlin rəhbərliyinin bir milyona yaxın suriyalı mühaciri Almaniyaya qəbul etdiyini bildirmişdi.

View this post on Instagram

A post shared by Radar Africa (@radarafrica)

Roza