Dünya

Əsədə qarşı sui-qəsd cəhdi - Putinin əli var?

2 Yanvar 2025 12:00

Baas rejiminin 61 illik hakimiyyəti devrildikdən sonra Rusiyaya qaçan Bəşər Əsədin Moskvada zəhərləndiyi, nəticədə şiddətli öskürək və boğulmaları olduğu aiddia edilib.

Publika.az xəbər verir ki, Rusiyanın “SVR” teleqram kanalının iddiası Moskva mənbələri tərəfindən təsdiqlənməyib.

Devrildikdən sonra Rusiyaya qaçan və hazırda Putinin himayəsi altında Moskvada gizlənən devrilmiş lider Bəşər Əsədə qarşı sui-qəsd cəhdi ilə bağlı iddialar rus mənşəli teleqram hesabında paylaşılıb.

Mənbə iddia edib ki, Suriyanın keçmiş prezidenti Bəşər Əsədə qarşı sui-qəsdin təşkil olunduğuna dair ciddi şübhələr var:

“Bazar günü günortadan sonra Əsəd özünü pis hiss etdiyini və nəfəs almaqda çətinlik çəkdiyini bildirərək mühafizəçilərindən tibbi yardım çağırmalarını istəyib. Bu tələbdən dərhal sonra Əsədi şiddətli öskürək tutub. Əsəd nəfəs almaqda çətinlik çəkib. Həkimlər hadisə yerinə gəliblər”.

Aysel Şahmar