Dünya

Turistləri daşıyan avtobus uçuruma aşdı: 13 nəfər öldü

4 Yanvar 2025 11:22

Kolumbiyada turistləri daşıyan avtobusun uçuruma aşması nəticəsində 13 nəfər ölüb, 29 nəfər yaralanıb.

Publika.az xəbər verir ki, bu barədə yerli mətbuatda bildirilib.

Məlumata görə, ölkənin cənub-qərbindəki Kali şəhərindən yola çıxan avtobus Tanqua şəhərinin El Placer bölgəsində 150 metrlik uçuruma düşüb.

Qəzada 13 nəfər ölüb, bəziləri ağır olmaqla 29 nəfər yaralanıb. Bölgəyə çoxlu axtarış-xilasetmə qrupları sövq edilib.

Səlahiyyətlilər bəyan ediblər ki, turistlər Valle del Cauca inzibati bölgəsində 2900 metr yüksəklikdə yerləşən tarixi “Las Lajas”məbədini ziyarət etmək istəyiblər.

Kolumbiya prezidenti Qustavo Petro qəza ilə bağlı açıqlamasında ölənlərin yaxınlarına başsağlığı verib və qəzanın səbəblərinin araşdırıldığını bildirib.

Roza