Suriya Berboku indi də belə alçaltdı: fotolarını görün hansı formada yaydılar

Yeni administrasiyaya yaxın Suriya xəbər kanalları Almaniya xarici işlər naziri Annalena Berbokun səfərinin şəkillərini dərc edib.

Publika.az xəbər verir ki, fotoların üzərində nazirin görüntüsü retuş edilib. Hətta Almaniyanın xarici işlər nazirini bulanıqlığa görə tanımaq çətin olub.

Eyni zamanda onun fransalı həmkarı Jan-Noel Barro suriyalı siyasətçilərin yanında retuşsuz təsvir olunub.

Fotoları paylaşan "Almharar" kanalı bu günə qədər ölkədə hakimiyyəti öz əlinə almış ən böyük müxalifət hərəkatı olan Azad Suriya Ordusu ilə əlaqələndirilir. Eyni zamanda Suriyanın rəsmi xəbər agentliyi “Sana” heç bir retuş edilmədən fotoşəkilləri yayıb.

Almaniyanın "Bild" nəşri əlavə edib ki, hətta səfər zamanı Suriyanın yeni lideri, görünür, qadın olduğu üçün Almaniya Xarici İşlər Nazirliyinin rəhbəri ilə əl sıxmaqdan imtina edib.

Qeyd edək ki, Avropa İttifaqı Suriyanın yeni liderləri ilə əlaqələri yaxşılaşdırmağa və Rusiyanın müharibədən əziyyət çəkən ölkədə təsirini azaltmağa çalışır. Bunun üçün ilk addım Almaniya və Fransa xarici işlər nazirlərinin yanvarın 3-də Dəməşqə səfəri olub. Səfər zamanı Suriyanın yeni administrasiyasının nümayəndələri Berbokla əl sıxmaqdan imtina ediblər. Almaniyalı nazir hökumət kollegiyasından enərək ölkənin yeni administrasiyasının nümayəndə heyətinə yaxınlaşanda suriyalı siyasətçilər əllərini sinələrinə qoyublar.

Akqabay