Dünya

MİT gizli sənədi açdı - ABŞ casusunun türk liderlərinə verdiyi kod adları ortaya çıxdı

17 Yanvar 2025 16:15

Türkiyənin Milli Kəşfiyyat Təşkilatı (MİT) 1935-ci il kəşfiyyat hesabatını saytında dərc edib. Hesabatda diqqətçəkən nüanslar yer alıb.

Publika.az xəbər verir ki, bu sənəd Türkiyənin o zamankı Milli Təhlükəsizlik Xidməti tərəfindən fəaliyyətləri nəzarətdə saxlanılan “Times” müxbiri Uolter Kollinsin əslində təşkilat üçün işlədiyini göstərir.

Sənəddə Kollinsin Türkiyədəki bölgə müxbirinə Mustafa Kamal Atatürk, İsmət İnönü və Marşal Fevzi üçün istifadə etməyi tapşırdığı kod adları üzə çıxıb.

2 fevral 1935-ci il tarixli, sözügedən hesabatda aşağıdakı ifadələr yer alıb:

"Kollins 28 yanvar 1935-ci ildə İstanbula qayıtdı. Oradan qəzetin yazarlarından olan Nurettin bəylə görüşdü və onu Ankara müxbiri olaraq vəzifələndirdi. Nurettin bəy Kollins üçün yazacağı teleqramları və ondan alacağı direktivləri bizə göstərəcək”.

İlk göstərişində ona Atatürk yerinə "Robertson", İsmət İnönü yerinə "Smit", Marşal Fevzi yerinə "Braun" adlarını istifadə etməsini tapşırıb.

Roza