Fitso bu gün Ərdoğanla görüşəcək: Hansı müqavilə imzalanacaq?

Türkiyə prezidenti Rəcəb Tayyib Ərdoğan bazar ertəsi Ankarada Slovakiyanın baş naziri Robert Fitsonu qəbul edəcək.

Publika.az xəbər verir ki, görüşdə Türkiyə ilə Slovakiya arasında strateji əməkdaşlıq haqqında saziş imzalanacaq.

Bu barədə Türkiyə Prezident Administrasiyasının kommunikasiya şöbəsinin rəhbəri Fəxrəddin Altun “X” sosial şəbəkəsində məlumat verib.

Onun sözlərinə görə, Fitco və nümayəndə heyəti Ərdoğanın dəvəti ilə bazar ertəsi Türkiyəyə rəsmi səfər edəcək.

“Tərəflər Türkiyə ilə Slovakiya arasında münasibətlərin dərinləşməsi üçün atılacaq addımları müzakirə edəcək, regional və qlobal məsələlər, o cümlədən Türkiyənin Aİ ilə münasibətləri ətrafında fikir mübadiləsi aparacaqlar”, - deyə Altun qeyd edib.

Rəsminin qeyd etdiyi kimi, gündəmdə müxtəlif sahələr üzrə sazişlərin, xüsusən də “ölkələr arasında münasibətlərin strateji tərəfdaşlıq səviyyəsinə çatacağı birgə bəyannamə”nin imzalanması var.

Fitco bundan əvvəl yanvarın 20-də Türkiyəyə rəsmi səfər edəcəyini, yanvarın 21-də isə Davosda keçiriləcək Dünya İqtisadi Forumuna gedəcəyini açıqlamışdı.

Tural