Dünya

Kiyev müttəfiqlərindən 50 min əsgər gözləyir - "Financial Times" yazır

23 Yanvar 2025 13:18

Kiyev rəsmiləri hesab edirlər ki, Qərb müttəfiqləri Ukrayna sərhədində təhlükəsizliyi təmin etmək üçün təxminən 40-50 min əsgər göndərə bilər.

Publika.az xəbər verir ki, bu barədə "Financial Times" məlumat yayıb.

“Kiyev və onun Qərb tərəfdaşları arasında müzakirələrdə iştirak edənlərin fikrincə, Ukrayna rəsmiləri hesab edir ki, 1000 kilometrlik cəbhə xətti boyunca təhlükəsizlik qüvvələri kimi fəaliyyət göstərən 40 mindən 50 minə qədər xarici əsgərin göndərilməsi mümkündür”, - deyə nəşr yazır.

Mütəxəssislərin fikrincə, 40 min əsgər asan hədəf olmamaq üçün kifayətdir. Bu qüvvələrin Böyük Britaniya, Fransa, Hollandiya, həmçinin Baltikyanı və Şimali Avropa ölkələrinin də daxil olduğu xüsusi koalisiya çərçivəsində yaradıla biləcəyi ehtimal edilir.

Adəm Abbaslı