Dünya

25 yaşlı ata bu görüntülərə görə həbs ediləcək - FOTO

29 Yanvar 2025 12:26

3 aylıq körpəsini qar təmizləmək üçün istifadə edən ata ilə bağlı araşdırma aparılır.

Publika.az Milli.az-a istinadla xəbər verir ki, ABŞ-nin Texas ştatında 25 yaşlı kişi 3 aylıq körpəsi ilə "Hyundai Elantra"nın şüşələrindəki qarı təmizləyib.

Videonun sosial şəbəkələrdə yayılmasından və müzakirəyə çıxmasından sonra polis araşdırmalara başlayıb.

Port Artur Polis idarəsinin rəsmi nümayəndəsi Tim Duriso hadisənin çovğun zamanı O.W. Collins Yaşlılar Binası yaxınlığında baş verdiyini bildirib.

Videoda şübhəli şəxsinin körpənin atası olduğu da qeyd edilib.

Duriso, kişinin video çəkmə vaxtı yanında iki qadının olduğunu və onların birinin körpənin anası ola biləcəyini bildirib. Lakin körpə heç bir zərər görməyib və valideynin himayəsində qalır. Polis departamenti hazırda kişinin cinayət tarixini araşdırır və yaxın həftələrdə Jefferson County İcra Hakimiyyəti vasitəsilə həbs əmri veriləcəyi gözlənilir.