Daha aqressiv olacaq: NATO Rusiya ilə bağlı bu qadağanı ləğv edir

NATO hava məkanının pozulması halında Rusiyanın potensial hədəflərinin atəşə tutulmasına qoyulan məhdudiyyətləri aradan qaldıra bilər.

Publika.az xəbər verir ki, bu barədə “The Financial Times” mənbələrinə istinadən məlumat yayıb.

Bildirilir ki, alyans Şərqi Avropa ölkələrinin təşəbbüsü ilə Rusiyaya qarşı daha aqressiv yanaşmanı müzakirə edir.

NATO kəşfiyyat pilotsuz təyyarələrinin silahlandırılması və Rusiya sərhədində hərbi təlimlərin keçirilməsi kimi tədbirləri araşdırır. Bundan başqa, Rusiyanın mümkün “hava hədəflərinə” atəşə qoyulan məhdudiyyətlərin aradan qaldırılması və bu sahədə alyans ölkələri arasında fərqli olan qaydaların birləşdirilməsi də nəzərdən keçirilir.

"Bəzi ölkələr qırıcı pilotlardan atəş açmazdan əvvəl təhdidləri vizual olaraq təsdiqləmələrini tələb edir, digərləri isə radar məlumatlarına və ya düşmən hədəfinin istiqaməti və ya sürətinə əsaslanaraq qəbul edilən təhlükəyə əsaslanaraq atəş açmağa icazə verir", - deyə məlumatda qeyd olunur.

Adəm