Diplomatik böhran: Çin Yaponiyanı hədələdi

Çinin baş naziri Sanae Takaiti Tayvanla bağlı şərhlərinə, o cümlədən mümkün sanksiyalar və məhdudiyyətlərə görə Yaponiyaya qarşı sərt cavab tədbirləri hazırlayır.

Publika.az xəbər verir ki, bu barədə "Bloomberg" məlumat yayıb.

Bildirilir ki, həftə sonu Çin Mərkəzi Televiziyası ilə əlaqəli olan "Yuyuantantian" sosial şəbəkə hesabı Pekinin mümkün sanksiyalar, iqtisadi, diplomatik və hərbi əlaqələrin dayandırılması və ticarət məhdudiyyətləri də daxil olmaqla "ciddi əks tədbirlərə tam hazır olduğu" barədə xəbərdarlıq edib.

Qeyd olunur ki, artan diplomatik böhran Tokio və Pekin arasında bu yaxınlarda əldə edilmiş razılaşmaları təhdid edir. Cəmi bir neçə həftə əvvəl Takaiti və Çin prezidenti Si Cinpin münasibətləri yaxşılaşdırmaq barədə razılığa gəliblər.

Vəziyyətin gərginləşməsinə cavab olaraq Çin turistlərə və tələbələrə Yaponiyada artan risklər barədə xəbərdarlıq edib. Bu, birbaşa turizmə təsir edir. Çin hər il Yaponiyaya gələn bütün ziyarətçilərin təxminən dörddə birini təşkil edir ki, bu da artıq turizm sektorunun paylarının, o cümlədən bazar ertəsi 11% ucuzlaşan "Shiseido Co."nun azalmasına səbəb olub. Çinin liderliyindən sonra Honq-Konq da Yaponiyaya səyahət məsləhətini yeniləyib.

Məlumata görə, Yaponiya münaqişənin kəskinləşməsi ilə əlaqədar Çinə nümayəndə heyəti göndərib.

Çin hakimiyyəti Yaponiyadakı vətəndaşlarına ölkələr arasında münasibətlərin pisləşməsi fonunda təhdidlər və gərginlik barədə xəbərdarlıq edib.

Yaponiya hökuməti Çin Təhsil Nazirliyinin ölkəyə təcrübə və turist səfərlərini ləğv etmək çağırışından narazılığını bildirib.

Adəm