Moskva-Dehli münasibətləri: Putin və Modi nələri razılaşdırdılar?

Putin və Modinin Heydərabad sarayındakı danışıqları iki saatdan çox davam edib.

Publika.az Rusiya mətbuatına istinadla xəbər verir ki, Moskva Yeni Dehli ilə aparılan danışıqların nəticələrindən razıdır.

Bildirilir ki, Rusiya-Hindistan danışıqları konstruktiv və dostluq şəraitində keçib. Liderlər bir çoxu iqtisadi əməkdaşlığın genişləndirilməsinə yönəlmiş mühüm sazişlər paketi imzalayıblar. Rusiya və Hindistan turist qrupları üçün viza rejiminin ləğvi üzərində işləyir.

- 2030-cu ilə qədər Hindistan-Rusiya əməkdaşlığının inkişafı proqramı razılaşdırılıb. Rusiya və Hindistan ticarət dövriyyəsini 100 milyard dollara çatdıra bilər.

Ötən il ikitərəfli ticarət 12% artaraq rekord qırıb. Bu ilin sonuna qədər ticarət həcminin eyni səviyyədə qalacağı proqnozlaşdırılır. Rusiya ilə Hindistan arasında milli valyutalarda qarşılıqlı hesablaşmaların payı isə 96% təşkil edir. Rusiya iqtisadi operatorları rupinin istifadəsini genişləndirirlər. Böyük birgə layihələr də rus rublu ilə maliyyələşdirilir.

Rusiya və Hindistan hərbi-texniki, texnoloji, təhsil və digər sahələrdə sıx əməkdaşlıq edir. Rusiya ənənəvi olaraq ordunun, o cümlədən hava hücumundan müdafiə sistemlərinin modernləşdirilməsinə yardım edir.

- Rusiya Hindistanın sürətlə inkişaf edən iqtisadiyyatı üçün fasiləsiz yanacaq tədarükünü təmin etməyə hazırdır.

Kaluqa vilayətində Rusiya-Hindistan əczaçılıq zavodu tikiləcək və qabaqcıl Hindistan texnologiyalarından istifadə etməklə istehsala başlanacaq.

- Rusiya və Hindistan xalqları əsrlər boyu bir-birlərinin tarixinə və mənəvi dəyərlərinə maraq göstərirlər. Hindistanlılara ruslarla tanış olmağa imkan verən yeni RT kanalı fəaliyyətə başlayır.

Putin Hindistana iki günlük dövlət səfərinə bir gün əvvəl gəlib. Cümə axşamı o, Modi ilə qeyri-rəsmi görüş keçirib.

Tural