Dünya

Bu şəhər yeni sakinlər axtarır: Dövlət dəstəyindən yararlanmaq üçün... - FOTO

12 Dekabr 2025 17:14

İtaliyanın Toskana vilayətinin Radikondoli bölgəsi yeni sakinləri cəlb etmək üçün kirayə və ev alışı dəstəyi təklif etməyə hazırlaşır.

Publika.az xəbər verir ki, bu barədə "CNN Travel" məlumat yayıb.

Bildirilib ki, Radikondoliyə köçmək istəyənlər ilk iki il ərzində kirayə xərclərinin 50 faizi üçün dəstək ala biləcəklər. Ərizə prosesi cari ilin dekabr ayına qədər davam edəcək. Köçmə isə 2026-cı ilin əvvəlinə qədər başa çatmalıdır.

Kirayə dəstəyindən faydalanacaq şəxslər şəhərdə ən azı 4 il yaşamağa razı olmalıdırlar. Ev almaq istəyənlər üçün də müxtəlif təşviqlər nəzərdə tutulur. Bu dəstəkdən yararlanmaq üçün isə Radikondolidə ən azı 10 il yaşamalısınız.

Qeyd edək ki, İtaliya Milli Ev Sahibləri Federasiyasının məlumatına görə, ölkə daxilində təxminən 8,5 milyon istifadəsiz ev var. Buna görə də bir çox şəhər əhalinin azalmasının qarşısını almaq üçün oxşar təşviq proqramları həyata keçirir.

Roza